სასჯელაღსრულების სამინისტრო პატიმართა ოჯახის წევრებისა და ახლობლებისთვის 24-საათიან რეჟიმში ცხელ ხაზს აამოქმედებს.
ამის შესახებ, დღეს გამართულ პრესკონფერენციაზე სასჯელაღსრულების მინისტრის პირველმა მოადგილემ გიგა გიორგაძემ განაცხადა.
გიორგაძის განცხადებით, სამუშაო დღეებში 10:00-დან 18:00 საათამდე პატიმართა ოჯახის წევრებს და ახლობლებს კონსულტაციისთვის პატიმართა უფლებების დარღვევაზე ინფორმაციის მისაწოდებლად შეუძლიათ სამინისტროს შემდეგ ნომერზე დაუკავშირდნენ – 225 70 47.
გარდა ამისა, მისი თქმით, შაბათ-კვირის ჩათვლით, 24-საათიან რეჟიმში სამინისტროსთან დასაკავშირებლად იმოქმედებს შემდეგი ნომერი - 577 22 29 46.
როგორც მინისტრის მოადგილე აღნიშნავს, ცხელი ხაზი აქამდეც მოქმედებდა, თუმცა მას ნაკლებად იყენებდნენ, ამიერიდან კი, ის უკვე 24-საათიან რეჟიმში ამოქმედდება.
