კოალიცია „ქართული ოცნების“ ბიძინა ივანიშვილის ბიზნესცენტრში „ქართული ოცნების" ლიდერებმა შეკრება უკვე დაიწყეს.
ბიძინა ივანიშვილის ბიზნესცენტრში მივიდნენ ირაკლი ალასანია, დავით უსუფაშვილი და სოზარ სუბარი.
სოზარ სუბარის განცხადებით, „ქართული ოცნების“ ლიდერები დღეს ახალი მთვარობის დაკომპლექტებასთან დაკავშირებით მორიგ კონსულტაციებს გამართავენ. თუმცა აღნიშნა, რომ მთავრობის ახალი შემადგენლობა სავარაუდოდ ორშაბათს გახდება ცნობილი.
რაც შეეხება კოალიციის ზუგდიდის მაჟორიტარი დეპუტატობის კანდიდატს, ირაკლი ალასანიას, მას ბიზნესცენტრში შესვლამდე ჟურნალისტებთან კომენტარი არ გაუკეთებია.
ვიდრე "ქართული ოცნების" ლიდერები ბიზნესცენტრში მივიდოდნენ, მანამდე ბიძინა ივანიშვილთან შეხვედრაზე იმყოფებოდნენ ექსპერტები გიორგი მარგველაშვილი, რამაზ საყვარელიძე, ასევე გია ხუხაშვილი.
