Forsa-ს კვლევის შედეგების მიხედვით, პოლიტიკური კოალიცია „ქართული ოცნების“ პოლიტიკურ არენაზე გამოჩენას, გამოკითხულთა 77% დადებითად და 14 % უარყოფითად აფასებს, ხოლო 9%-მა არ იცის, ან კითხვაზე პასუხის გაცემა არ სურს. ამავე კვლევის მიხედვით, შეკითხვაზე, - თუკი „ქართული ოცნება“ გაიმარჯვებს არჩევნებში და უმრავლესობით მოვა პარლამეტში, იმოქმედებს თუ, არა ეს დადებითად ქვეყნის მომავალზე, კითხვის შესაბამისად შედეგები შემდეგნაირად გადანაწილდა: გამოკითხულთა 64% მიიჩნევს, რომ დადებითად იმოქმედებს, 14% მიიჩნევს, რომ უარყოფითად, ხოლო 22% - მა არ იცის, ან კითხვაზე პასუხის გაცემა არ სურს.
Forsa გერმანული კვლევითი ცენტრია, მან საქართველოს მასშტაბით წინასაარჩევნო კვლევა 2012 წლის 24-25 სექტემბერს ჩაატარა. გამოიკითხა 1943 რესპოდენტი პირდაპირ ინტერვიუს მეთოდით. კვლევის შედეგების პრეზენტაცია, დღეს სასტუმრო „ქორთიარდ მარიოტში“ გაიმართა. კვლევის შედეგები Forsa-ს წარმომადგენელმა პიტერ მაპუშეკმა წარმოადგინა.
