თბილისის საქალაქო სასამართლოში დღეს თურქეთში საიუველირო მაღაზიის ძარცვის საქმეზე პროცესი გაიმართება. დღევანდელ პროცესზე მხარეები ძარცვაში ბრალდებულებს და მოწმეებს დაკითხავენ და სასამართლოს მტკიცებულებებს წარუდგენენ.
შსს-ს ინფორმაციის თანახმად, საქართველოს ექვსმა მოქალაქემ თურქეთის ქალაქ ორდუში საიუველირო მაღაზია 5 მარტს გაძარცვა. მათ სავაჭრო ცენტრში 8 მეტრის სიგრძის გვირაბით შეაღწიეს და 6 კგ ოქროს ნაკეთობების გატანა მოახერხეს. მოპარული ნივთების საქართველოს ტერიტორიაზე გადმოტანის შემდეგ, ისინი ქართველმა სამართალდამცავებმა დააკავეს.
ვახტანგ ფურცელაძეს, მერაბ ლაშქარეიშვილსა და ვახტანგ ირემაძეს 10-10 წლით თავისუფლების აღკვეთა ემუქრებათ.
ბრალის დამტკიცების შემთხვევაში დაკავებულები სასჯელს საქართველოში მოიხდიან.
დღევანდელ სხდომაზე და მოწმეებს დაკითხავენ. სხდომა საქალაქო სასამართლოში 13:00 საათზე დაიწყება.
