პოლიტიკური კოალიცია „ქართული ოცნების“ წევრის და „რესპუბლიკურ პარტიის“ ერთ-ერთი ლიდერის, დავით ბერძენიშვილის განცხადებით, ოზურგეთში კოალიცია „ქართული ოცნების“ აქციაზე მხარდამჭერების მასშტაბური რაოდენობა მოვა.
„გურია პატარაა, სულ სამი რაიონია. ლანჩხუთი და ჩოხატაური პატარა რაიონებია, მაგრამ ამის მიუხედავად, დარწმუნებული ვარ, რომ მოსახლეობის რაოდენობის პროპორციის თვალსაზრისით ოზურგეთის აქცია კიდევ უფრო დიდი იქნება, ვიდრე ქუთაისის ძალიან სოლიდური დემონსტრაცია“, - განაცხადა ბერძენიშვილმა.
მისი თქმით, ოზურგეთის აქცია თითით საჩვენებელი დემონსტრაცია იქნება.
