დიდი ბრიტანეთის დედოფალი ელისაბედ II აპირებს, სამ წელიწადში ტახტი უფროს ვაჟს - უელსის პრინცს ჩარლზს დაუთმოს.
Daily Mirror-ის ინფორმაციით, ამის შესახებ საკუთარ წიგნში "ჩარლზი 70 წლის: ფიქრები, იმედები და ოცნებები" სამეფო კორესპონდენტი რობერტ ჯობსონი წერს.
გამოცემის ინფორმაციით, 92 წლის ელისაბედ II უფლებამოსილებების შესრულებაზე უარის თქმას 95 წლის ასაკში აპირებს.
"ამასთან, ჩარლზი პრინცი-რეგენტი იქნება, რაც იმას ნიშნავს, რომ ის იქნება მეფე ამ სიტყვის სრული გაგებით, თუმცა ფორმალურად ელისაბედ II ხალხს სიცოცხლის ბოლომდე მოემსახურება", - წერს ბრიტანული გამოცემა.
ელისაბედ II დიდი ბრიტანეთის ტახტზე 1952 წელს, 25 წლის ასაკში ავიდა.
