ანალიტიკოსი ზაალ ანჯაფარიძე, აშშ-ის ვიცე-პრეზიდენტ ჯეი დი ვენსის განცხადებას ეხმიანება, რომელმაც არეულობების და სხვა პოლიტიკური ძალადობის დამფინანსებელი არასამთავრობო ორგანიზაციებისთვის დაფინანსების შეწყვეტაზე და მათ პასუხისგებაზე ისაუბრა. 

როგორც ანჯაფარიძე აღნიშნავს, თუ ეს აშშ-ის სახელმწიფო პოლიტიკის და მიდგომის ცვლილებების მანიფესტია, მაშინ წესით, ამას საქართველოშიც ვიგრძნობთ იმით, რომ ძალადობის წამხალისებელ აქაურ ორგანიზაციებს ყველანაირი დახმარება შეუწყდებათ.

"თუ ეს აშშ-ის ვიცე-პრეზიდენტის პირადი მოსაზრებაა, მაშინ ის დარჩება ასეთად და ამის იქით არ წავა. ხოლო თუ ეს აშშ-ს სახელმწიფო პოლიტიკის და ადრეული მიდგომების ცვლილების მანიფესტია, მაშინ წესით ეს აქ საქართველოშიც უნდა ვიგრძნოთ კონკრეტული ქმედებებით. კერძოდ, ასეთი აქაური ორგანიზაციებისთვის ყველანაირი დახმარების შეწყვეტით." - წერს ზაალ ანჯაფარიძე სოციალურ ქსელში.