ღაზის სექტორში ომის დასრულების და მძევლების გათავისუფლების მოთხოვნით, თელ-ავივში მასშტაბური გამოსვლები გრძელდება. "მძევლების მოედანზე" შეკრებილმა მომიტინგეებმა გაშალეს ბანერი და ამერიკის პრეზიდენტს ტყვეების გათავისუფლების საქმეში დახმარება სთხოვეს.
"შექმენით ისტორია" - სკანდირებდნენ მომიტინგეები, რომელთა შორის "ჰამასის" ტერორისტების მიერ 2023 წლის 7 ოქტომბერს გატაცებული მძევლების ოჯახის წევრებიც იყვნენ. აქციის მონაწილეები აცხადებენ, რომ ომის დასრულების და მძევლების გათავისუფლების შესახებ შეთანხმება არსებობს, თუმცა პრემიერ-მინისტრი ბენიამინ ნეთანიაჰუ პრიორიტეტად სამხედრო შეტევას განიხილავს.
ისრაელის მთავრობამ უკვე დაამტკიცა გეგმა, რომელიც "ჰამასის" ტერორისტების განადგურების მიზნით, ღაზაზე სრული კონტროლის დაწესებას ითვალისწინებს.
