"ორი დანაყოფი უკვე ცნობილია, რომელსაც მიუვიდა დავალება და იღებს თვითმმართველობის არჩევნებში მონაწილეობას, დარჩა აქეთ რამდენიმე დანაყოფი, მაგალითად რვიანი, როგორც ახლა მოიხსენიებენ, რომელსაც აქვს კონკრეტული დავალება, რომ რაღაც არეულობა შემოიტანოს ჩვენს ქვეყანაში," - ამის შესახებ პარლამენტის ფრაქცია "ქართული ოცნების" თავმჯდომარის პირველმა მოადგილემ განაცხადა.
ირაკლი კირცხალიას შეფასებით, მისთვის ოპოზიციურ პარტიებს შორის უთანხმოება არც ახალი და არც მოულოდნელია. მისივე თქმით, ურთიერთშეურაცხმყოფელი განცხადებები მათ რეალურ სახეს აჩვენებს.
"აგენტების ბაზარზე იმიტომ ვხედავთ ამდენ გადანომრილ, გადაღებილ ე.წ. პარტიებს რომ ეს შიდა ბატალიებიც, ამ დივერსიფიცირების სცენარის ნაწილი იყო და არის. ეს არის ჩემი აზრი და არამხოლოდ ჩემი აზრი, რომ საზოგადოება კიდევ ერთხელ უტიფრად შეეყვანათ შეცდომაში, როგორც მათ, ასევე, მათ პატრონებს, რათა დაერწმუნებინათ [საზოგადოება] თითქოს რომელიმეს რვიანი, შვიდიანი, უბრალოდ გავიხსენოთ რამდენი გაერთიანება და რამდენი ფანჩატური გვაქვს ნანახი ბოლო წლებისა და თვეების განმავლობაში. ეს ყველაფერი იყო სცენარის ნაწილი და გრძელდება.
ორი დანაყოფი უკვე ცნობილია, რომელსაც მიუვიდა დავალება და იღებს თვითმმართველობის არჩევნებში მონაწილეობას, დარჩა აქეთ რამდენიმე დანაყოფი, მაგალითად რვიანი, როგორ ახლა მოიხსენიებენ, რომელსაც აქვს კონკრეტული დავალება, რომ რაღაც არეულობა შემოიტანოს ჩვენს ქვეყანაში. ასეთი უმორალო, უპრინციპო ადამიანების ერთმანეთში და მათ ე.წ. ბაბლში მიმოწერა, თუ რა განწყობებს ქმნიან, არ ღირს ჩვენი მხრიდან სერიოზულ კომენტარად. თითოეული შეურაცხყოფა და გამონათქვამი თავიანთი ე.წ. მედიებიდან, მიუთითებს მხოლოდ მათ მორალურ სახეზე," - აღნიშნა ირაკლი კირცხალიამ.
