ენჯეოშნიკების წუწუნი მოვისმინე, თურმე კანონი მკაცრია და ზედმეტად მომთხოვნია, ამერიკის საელჩოს ხომ არ მიმართავენ? აბა, ამერიკის ელჩთან განვიხილოთ, – ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ საქართველოს პირველ არხს განუცხადა.
ზარქუას თქმით, ამერიკა, ათეული წლებია, ამ კანონით ამაყობს.
„რაღა მათთვის არის მკაცრი? როცა ტრამპის ადმინისტრაციისგან მოვისმინეთ, თუ რა ანტიქართულ პოლიტიკას აფინანსებდნენ არასამთავრობო ორგანიზაციები, მივხვდით, რომ გამჭვირვალეობა საკმარისი არ იყო და დღის წესრიგში დადგა, რომ „ფარა“ პირდაპირ გადმოგვეღო. რეგისტრაციის გავლა ყველას მოუწევს, თუ არადა, დაემშვიდობონ საქმიანობას. წინააღმდეგ შემთხვევაში შესაბამისი რეაგირება მოგვიწევს. რეგისტრაცია გაიარონ, ვინ არიან, რას აფინანსებენ, რა მოტივით და მუშაობა განაგრძონ“, – განაცხადა ზარქუა.
