რუსეთის პირდაპირი ინვესტიციების ფონდის ხელმძღვანელმა, კირილ დმიტრიევმა ვაშინგტონში ვიზიტის შედეგებზე ისაუბრა. სხვა საკითხებთან ერთად, მან აშშ-ის პრეზიდენტის, დონალდ ტრამპის ადმინისტრაციის წარმომადგენლებთან ურთიერთობების აღდგენის, არქტიკაში თანამშრომლობისა და იშვიათი ლითონების საკითხები განიხილა.
„ბოლო ორი დღის განმავლობაში, რუსეთმა და აშშ-მა ბევრ საკითხში სამი ნაბიჯი წინ გადადგეს, პროგრესი მიღწეულია“, - აღნიშნა კირილ დმიტრიევმა.
„ტრამპის ადმინისტრაციის წარმომადგენლებთან შეხვედრაზე განვიხილეთ თანამშრომლობის საკითხები არქტიკაში და იშვიათი ლითონები. მიმდინარეობს მუშაობა ქვეყნებს შორის პირდაპირი ავიამიმოსვლის აღდგენაზე. ბევრ ამერიკულ კომპანიას სურს რუსულ ბაზარზე დაბრუნება“, - განაცხადა მან.
კირილ დმიტრიევმა ხაზგასმით აღნიშნა, რომ მოსკოვსა და ვაშინგტონს შორის უთანხმოება რჩება, მაგრამ მხარეები ცდილობენ მათ გადალახვას, ხოლო ამის საუკეთესო გზა პირდაპირი დიალოგია.
