„2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის“ ხელმძღვანელმა, პარლამენტის ვიცე-სპიკერმა თეა წულუკიანმა გადაცემაში „იმედი LIVE“ განაცხადა, რომ ნათელია, როგორ გაწირა მიხეილ სააკაშვილმა ჯარი და როგორ გაიქცა გორში. თეა წულუკიანი აღნიშნავს, რომ მიხეილ სააკაშვილმა უფრო მეტი ტერიტორია მისცა რუსეთს, ვიდრე ომამდე ჰქონდა ოკუპირებული.

ჟურნალისტის შეკითხვაზე, იგეგმება თუ არა მიხეილ სააკაშვილის საგამოძიებო კომისიაზე დაბარება, თეა წულუკიანმა უპასუხა, „არაფერი გვიშლის ხელს, რომ კითხვები მასაც დავუსვათ თუ ეს მიზანშეწონილად ჩაითვლება, თუმცა ამაზე კომისიამ უნდა იმსჯელოს და მიიღოს გადაწყვეტილება.

„მე, როგორც კომისიის თავმჯდომარე, არ მგონია, რომ მიხეილ სააკაშვილი რაღაც ახალ ელემენტებს შესძენს კომისიის მუშაობას, რადგან ყველაფერი უკვე ნათელია., როგორ გაწირა მან ჯარი, როგორ გაიქცა ის გროში და რეალურად სხვისი შვილების სიცოცხლე დადო სასწორზე და უფრო მეტი ტერიტორია მისცა რუსეთს, ვიდრე მანამდე ჰქონდა ოკუპირებული.

ზოგიერთ ახალგაზრდას, რომელმაც ეს არ იცის, ვუხსნით, რომ რუსეთს არ ჰქონდა იმდენი ტერიტორია ოკუპირებული მანამ, სანამ სააკაშვილმა მას ეს ტერიტორიები არ გადააბარა. კოდორის ხეობას რომ ეძახიან, სააკაშვილმა ჩააბარა რუსეთს ოქრუაშვილის ხელით და ეს პროცესი დაიწყო 2004 წლიდან და კულმინაციას მიაღწია 2006 წელს, როდესაც საკუთარი სამშობლოსა და დამოუკიდებლობისთვის მებრძოლი ადამიანი, ირაკლი ბათიაშვილი ჩასვეს ციხეში და განაიარაღეს ჯგუფი „მონადირე“, ადგილობრივი სვანი მოახლოება, რომელიც იცავდა აფხაზეთის დიდ ტერიტორიას, რომელიც რუსეთს ოკუპირებული არ ჰქონდა, როდესაც სააკაშვილმა 111-ით მეტი სოფელი ჩააბარა რუსეთს ცხინვალის რეგიონში. ეს ყველაფერი ახალგაზრდებმა უნდა იცოდნენ“, - აღნიშნა თეა წულუკიანმა.

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი პარლამენტის დროებითი საგამოძიებო კომისია სხდომებს განაგრძობს.