საქართველოს საგარეო საქმეთა მინისტრი, მაკა ბოჭორიშვილი სოციალურ ქსელ X-ზე საქართველოში აშშ-ის ელჩთან, რობინ დანიგანთან შეხვედრას გამოეხმაურა.
„ძალიან პროდუქტიული შეხვედრა შედგა აშშ-ის ელჩთან, რობინ დანიგანთან. განვიხილეთ ორმხრივი ინტერესის მნიშვნელოვანი საკითხები. ათწლეულების განმავლობაში საქართველომ და აშშ-მა მტკიცე პარტნიორობა ჩამოაყალიბეს. ჩვენი ერთგულება საქართველო-ამერიკის მჭიდრო თანამშრომლობისადმი კვლავ მტკიცეა“, - აღნიშნა საქართველოს საგარეო უწყების ხელმძღვანელმა.
