Bloomberg TV-სთან ინტერვიუში ნატოს გენერალურმა მდივანმა, მარკ რუტემ განაცხადა, რომ უკრაინის ალიანსში გაწევრიანება აღარ განიხილება. ინფორმაციას ამის შესახებ უკრაინული მედია ავრცელებს.
კითხვაზე, მართლა მოხსნა თუ არა აშშ-ის პრეზიდენტმა, დონალდ ტრამპმა მოლაპარაკებების მაგიდიდან უკრაინის ნატოში გაწევრიანების საკითხი, მარკ რუტემ დადებითად უპასუხა.
მარკ რუტე ასევე მიესალმა დონალდ ტრამპის სამშვიდობო ძალისხმევას და ხაზგასმით აღნიშნა, რომ „ტრამპი სრულად არის ალიანსის ერთგული“.
