ამ რამდენიმეწამიანმა დიალოგმა, ალბათ, ყველაზე კარგად აჩვენა, სად არის მონობა და სად - ქვეყნის სამსახური. სინამდვილეში ხომ ეს არის, რაზეც ჩვენ და ეს მარგინალები ვერ ვთანხმდებით, - ასე ეხმიანება საქართველოს პარლამენტის თავმჯდომარე შალვა პაპუაშვილი ელენე ხოშტარიასა და სამართალდამცველს შორის გამართულ დიალოგს, სადაც ხოშტარია პოლიციელს ევროპის მსახურებისკენ მოუწოდებს, პოლიციელი კი აღნიშნავს, რომ ის მხოლოდ საქართველოს ემსახურება.
როგორც პარლამენტის თავმჯდომარე წერს, ეს არის სწორედ ის საკითხი, რაზეც მარგინალებთან შეთანხმება ვერ ხდება.
„ამ რამდენიმეწამიანმა დიალოგმა, ალბათ, ყველაზე კარგად აჩვენა, სად არის მონობა და სად - ქვეყნის სამსახური.
სინამდვილეში ხომ ეს არის, რაზეც ჩვენ და ეს მარგინალები ვერ ვთანხმდებით“, - წერს პაპუაშვილი.
რა ჭირთ ამ საცოდავებს, მაინც და მაინც ვინმეს უნდა ემონებოდნენ?!
თავი რისთვის აბიათ მხრებზე, აუცილებლად ვიღაცის თბილ ადგილში განსათავსებლად?
არ იღებს ხალხი არც რუსეთის რუბლებს და არც ევროამერიკულ გრანტებს, მუშაობენ და თითონ გამოიმუშავებენ თავიანთ სარჩოს. ამათ რა დაემართათ, სინგაპურის აგენტობასაც თაკილობენ, ოღონდ უშრომელი ფული მისცეთ და ეშმაკს მიყიდიან სულსაც და ხორცსაც. თანაც თავხედობა არ აკლიათ, სხვებსაც მოუწოდონ, ჩემს პატრონს ემსახურეთო.