საქართველომ უნდა გაიაროს თავისი გზა, საკუთარი კურსი, დაეყრდნოს არსებულ ინსტიტუტებს. კარგია გქონდეს ფუნქციონირებადი სასამართლო სისტემა, რომელიც დამოუკიდებელია, კარგია დამოუკიდებელი მედია, მაგრამ სხვებს ნება დართო გითხრან, როგორ მართო შენი შოუ, იქნება ეს მოსკოვიდან, ვაშინგტონიდან თუ ბრიუსელიდან, ცუდი იდეაა, რადგან ამ ხალხმა ნამდვილად არ იცის რა ხდება ქვეყანაში და თავად ქვეყანა, - განაცხადა ლაშა კასრაძესთან ინტერვიუში კიოტოს უნივერსიტეტის ასოცირებულმა პროფესორმა, პასკალ ლოტასმა, რომელიც ნეიტრალიტეტის საკითხზე პროგრამას ხელმძღვანელობს.
როგორც „იმედის“ სპეციალურ გადაცემაში ექსპერტმა ლაშა კასრაძემ აღნიშნა, საზოგადოების გარკვეული ნაწილი თვლის, რომ მხოლოდ პროდასავლურია, მიუხედავად იმისა, რომ ისინი არასდროს ყოფილან დასავლეთში და ეს ძალიან ტრაგიკული დინამიკაა. მისი შეფასებით, ამან გამოიწვია საზოგადოების პოლარიზაცია.
ლაშა კასრაძემ ასოცირებულ პროფესორს ჰკითხა მოსაზრება, როგორ უნდა გაუმკლავდეს საქართველო დასავლური იდეოლოგიის, დასავლური ნარატივების და მისი სოციოკულტურული ასპექტების ამ შემოდინებას, ასევე, უნდა თქვას თუ არა საქართველომ, რომ რაღაცები არასწორია და ამას არ გააკეთებს, თუ საქართველომ უბრალოდ უნდა იკითხოს, „რამდენად მაღლა უნდა ახტეს, როცა კოლექტიური დასავლეთი ამას ითხოვს“.
„რაც ჩვენ გვინდა არის გარკვეული საფუძვლები: ჩვენ არ მოგკლავთ, თუ არ დაგვეთანხმებით, არ ვეცდებით თქვენს გაჩუმებას. ერთი რამ, რაც ძალიან მნიშვნელოვანია, რაც ამჟამად ხდება განსაკუთრებით დასავლეთში, არის ეს იდეა, რომ არჩევანი უნდა გააკეთო: ან ისინი, ან ჩვენ, ან დასავლეთიზაცია ან რუსეთიზაცია. ეს არის ცრუ დიქოტომია. შეგიძლიათ ორივე გქონდეთ. შეგიძლიათ დასავლეთიზაცია მოახდინოთ რუსეთთან შერიგების პროცესში, შეგიძლიათ დაუახლოვდეთ ირანს და მაინც შეეცადოთ კარგი ურთიერთობა გქონდეთ სხვებთან. ასე რომ, თუ არჩევანის წინაშე დაგაყენებენ, მაშინ უბრალოდ თქვით, როგორც არა, არ ვაპირებთ არჩევანის გაკეთებას“, - განაცხადა პასკალ ლოტასმა.
