"ქართული ოცნება- დემოკრატიული საქართველოს" ხაშურისა და ქარელის დელეგატი ზაალ დუგლაძე, ხაშურის მუნიციპალიტეტის სოფლების: ქვემო და ზემო ოსიაურის, ასევე, ახალსოფლის მოსახლეობას შეხვდა.
ამომრჩეველთან შეხვედრისას ზაალ დუგლაძემ შეაჯამა სოფელში განხორციელებული პროექტები და ისაუბრა არჩევნებში მოსახლეობის ჩართულობის აუცილებლობაზე.
მისი თქმით, სოფელ ოსიაურში, ხაშურის მუნიციპალიტეტში მიმდინარე წყალმომარაგების მასშტაბური პროექტის ფარგლებში, მიმდინარეობს წყალგაყვანილობის ქსელის მოწყობა. შესაბამისად, საგზაო ინფრასტრუქტურა აღნიშნული სამუშაოების დასრულების შემდეგ მოეწყობა.
