ეს არის კიდევ ერთი გზავნილი ნაცსექტის მესამე პრეზიდენტ ზურაბიშვილისთვის, რომელიც თავგანწირვით ცდილობს დაეწიოს უკრაინას და მოლდოვას. ეს არის გზავნილი ანტიქართული შეშფოთებული აღშფოთების ვირუსით ინფიცირებული მეთიუ მილერისთვის. და ეს არის ნაცსექტის მხრიდან კიდევ ერთი შესაძლებლობა სტრასბურგის სასამართლოს სარჩელით ამჟამად (მსოფლიო ბანკის შემდეგ) უკვე Open Government Partnership (OGP)-ს უჩივლოს, რადგანაც თავისი შეფასებებით ეს "რუსული" (?) ორგანიზაციები თავდაყირად აყენებენ მათ წინასაარჩევნო "პროგრამას", - ასე ეხმიანება „ხალხის ძალის“ წევრი დავით ქართველიშვილი მსოფლიო ბანკის  მიერ გამოქვეყნებულ ინფორმაციას, რომლის მიხედვით, ღია მმართველობის ინდექსით საქართველო მსოფლიოში 41-ე ადგილზეა, ევროკავშირის და ნატოს წევრ 7 სახელმწიფოს და ევროკავშირის კანდიდატ ყველა ქვეყანას უსწრებს.

„ღია მმართველობის პარტნიორობა (OGP) წარმოადგენს მრავალმხრივ ინიციატივას, რომელიც მიზნად ისახავს უზრუნველყოს მთავრობების მხრიდან კონკრეტული ვალდებულებების შესრულება ღია მმართველობის, გამჭვირვალობის (!), მოქალაქეების ჩართულობის განვითარების, კორუფციასთან ბრძოლის, ინოვაციებისა და ახალი ტექნოლოგიების დანერგვის თვალსაზრისით.

ორგანიზაცია Open Government Partnership (OGP) — ოფიციალურად დაფუძნდა 2011 წლის 20 სექტემბერს 8 სახელმწიფოს მიერ: აშშ, დიდი ბრიტანეთი, ბრაზილია, ნორვეგია, ინდონეზია, მექსიკა, ფილიპინები და სამხრეთ აფრიკა. დღეს ამ ორგანიზაციაში გაერთიანებულია მსოფლიოს 75 სახელმწიფო. ამ ორგანიზაციის მიერ შემუშავებული ინდექსაციით, რომელიც ითვალისწინებს ამა თუ იმ ქვეყნის მიღწევებს ზემოთ მოყვანილ კატეგორიებში - საქართველო მსოფლიოში 41-ე (სიმბოლურ) ადგილზეა და EU და NATO-ს წევრ შვიდ ქვეყანას და EU წევრობის ყველა ქვეყანას უსწრებს.

ეს არის კიდევ ერთი გზავნილი ნაცსექტის მესამე პრეზიდენტ ზურაბიშვილისთვის, რომელიც თავგანწირვით ცდილობს დაეწიოს უკრაინას და მოლდოვას. ეს არის გზავნილი ანტიქართული შეშფოთებული აღშფოთების ვირუსით ინფიცირებული მეთიუ მილერისთვის. და ეს არის ნაცსექტის მხრიდან კიდევ ერთი შესაძლებლობა სტრასბურგის სასამართლოს სარჩელით ამჟამად (მსოფლიო ბანკის შემდეგ) უკვე Open Government Partnership (OGP)-ს უჩივლოს, რადგანაც თავისი შეფასებებით ეს "რუსული" (?) ორგანიზაციები თავდაყირად აყენებენ მათ წინასაარჩევნო "პროგრამას"“, - წერს დავით ქართველიშვილი.