მაღალ დონეზე ჩატარებული ევროპის ჩემპიონატის შემდეგ, გიორგი მიქაუტაძე კარიერას „ლიონში“ გააგრძელებს. მანამდე იწერებოდა, რომ საქართველოს ნაკრების ფეხბურთელი კარიერას „მონაკოში“ აგრძელებდა.
რამდენიმე საათის წინ, L’Equipe-მა გვაუწყა, რომ „მონაკოს“ მიქაუტაძემ უარი უთხრა.
ფრანგი ჟურნალისტის, უგო გუილემეს ინფორმაციით, მიქაუტაძე „ლიონთან“ ხუთწლიან კონტრაქტს გააფორმებს, „ლიონმა“ „მეცთან“ საერთო ენა მონახა და ფეხბურთელში 18 მილიონ ევროს გადაიხდის.
