აშშ-ის გენერალური პროკურორი, მერიკ გარლანდი აშშ-ის პრეზიდენტობის კანდიდატზე, დონალდ ტრამპზე თავდასხმას ეხმაურება.
მერიკ გარლანდმა მომხდარს „ჩვენს დემოკრატიაზე თავდასხმა“ უწოდა.
მან ხაზგასმით აღნიშნა, რომ აშშ-ის იუსტიციის დეპარტამენტი გამოიყენებს ყველა ხელმისაწვდომ რესურსს ამ გამოძიებაში.
„ჩვენ არ შევეგუებით რაიმე სახის ძალადობას და მსგავსი ძალადობა არის თავდასხმა ჩვენს დემოკრატიაზე“, - აღნიშნა მან.
პენსილვანიაში, სადაც დონალდ ტრამპი მხარდამჭერებთან შეხვედრას მართავდა და მათ სიტყვით მიმართავდა, სროლა იყო. დონალდ ტრამპის თქმით, ტყვიამ მას მარჯვენა ყურის ზედა ნაწილი გაუხვრიტა.
