საპარლამენტო ფრაქცია „ქართული ოცნების“ თავმჯდომარის მოადგილე ირაკლი კირცხალია თავდაცვის სამინისტროს ბიუჯეტის 100 მლნ ლარით გაზრდის საკითხს ეხმიანება.
აღნიშნულით კირცხალიამ აშშ-ისა და ევროკავშირის მიერ საქართველოს თავდაცვისა და უსაფრთხოების სფეროსთან დაკავშირებით მიღებული გადაწყვეტილებები შეაფასა.
„როდესაც ჩვენი ქვეყანა, ჩვენი სამხედრო ძალები, საერთაშორისო მისიებში იყვნენ, არა ნატოს წევრი ქვეყნებიდან კონტინგენტით პირველი და ნატოს წევრი ქვეყნებიდან მეოთხე და მიღებული აქვთ ურთულეს ოპერაციებში მონაწილეობა, ამის ფონზე, როდესაც საუბარია, თანხის ოდენობას არ აქვს მნიშვნელობა - ეს 30 მლნ-ია თუ 27 მლნ, ამის არ დაფინანსებაზე, შეწყვეტაზე და კოლექტიურ ლომჯარიებთან, გიგაურებთან გადარიცხვაზე, ეს მინიმუმ უსამართლობაა. 560 მლნ ლარი გვაქვს პროფიციტი, საიდანაც 100 მლნ ჯარის დაფინანსების გაზრდისკენ მიემართება“, - განაცხადა ირაკლი კირცხალიამ.
ვაშინგტონმა პროექტი „ღირსეული პარტნიორი“ შეაჩერა, ევროკავშირმა კი ევროპული სამშვიდობო ფონდიდან 30 მლნ ევროს გამოყოფა. ამ ფონზე კი თავდაცვის სამინისტროს ბიუჯეტი 100 მლნ ლარით იზრდება.
