აშშ-ის პრეზიდენტი ჯო ბაიდენი მეორე ვადით კენჭს თუ არ იყრის და საკუთარ კანდიდატურას მოხსნის, მისი ოპონენტის, დონალდ ტრამპის დამარცხების ყველაზე მაღალი შანსი მოქმედ ვიცე- პრეზიდენტს, კამალა ჰარისს და ყოფილ სახელმწიფო მდივანს, ჰილარი კლინტონს აქვთ.
ამის შესახებ „პოლიტიკო“ წერს.
დემოკრატიული პარტიის შიდა გამოკითხვის ბოლო მონაცემებით, ვიცე-პრეზიდენტი კამალა ჰარისი დონალდ ტრამპს ერთი პროცენტით უსწრებს 42% – 41%-ის წინააღმდეგ, ხოლო ჰილარი კლინტონი ორი პროცენტით – 43% – 41%-ის წინააღმდეგ.
კვლევამ ასევე აჩვენა, რომ გამოკითხული რესპონდენტების 29%, რომელიც ტელედებატებს სრულად უყურა, მიიჩნევს, რომ მოქმედ პრეზიდენტს გონებრივი და ფიზიკური შესაძლებლობები აქვს, რომ ოთხწლიანი ვადით ემსახუროს ქვეყანას, მაშინ როდესაც 61% ამბობს, რომ მას ამის უნარი არ აქვს.
