საფრანგეთის პრეზიდენტ ემანუელ მაკრონის განცხადებით, ნატო-ში უკრაინის გაწევრიანების მთავარი მოწინააღმდეგე ქვეყნები ამერიკის შეერთებული შტატები და გერმანიაა. აღნიშნულის შესახებ უკრაინული მედია სააგენტო DPA -ზე დაყრდნობით ავრცელებს ინფორმაციას.
„საბოლოოდ, უკრაინის ნატო-ში მოწვევა მოკავშირეების გადაწყვეტილება იქნება“, – თქვა მაკრონმა. ემანუელ მაკრონმა გაიხსენა გასული წლის ვილნიუსის სამიტი, რა დროსაც კიევს გაწევრიანების შესახებ მიწვევა არ მიუღია.
„უკრაინელები საკმაოდ გაღიზიანებული იყვნენ, როდესაც მივიდნენ იმ დასკვნამდე, რომ კარი ღია იყო, მაგრამ არც ისე. ვფიქრობ, ვაშინგტონის სამიტის სცენარიც იგივეა“, – განაცხადა მაკრონმა.
