ძალიან დიდი მადლობა ამ ენერგიისთვის რასაც თქვენ გვაძლევთ და ამ გუნდის უდიდესი ძალა არის ის, რომ თქვენს - გულშემატკივრებს და ჩვენს შორის არის ძალიან მაგარი სინერგია და ამისთვის მადლობას გიხდით, - ასე მიმართა თავისუფლების მოედანზე შეკრებულ ქომაგებს ნიკა კვეკვესკირმა სცენიდან.
ამ დროისთვის კვეკვესკირი თანაგუნდელებს სცენაზე სათითაოდ იხმობს, გულშემატკივრები კი ფეხბურთელების გვარებს სკანდირებენ.
საქართველოს ნაკრების ფეხბურთელების ღია ავტობუსი თავისუფლების მოედანზე ცოტა ხნის წინ მივიდა.
