დღეს კიდევ ერთი გოლის გატანით და პორტუგალიასთან მოგებით ძალიან გახარებული ვარ, ესპანეთთან მატჩისას ყველაფერს გავაკეთებთ, რომ ჩვენი გულშემატკივარი გავახაროთ, - ამის შესახებ გიორგი მიქაუტაძემ მატჩის შემდგომ პრესკონფერენციაზე განაცხადა.
მისი თქმით, გამარჯვებისთვის ყველაფერს გააკეთებენ.
„ამ ყველაფერს ვერ წარმოვიდგენდი, მაგრამ ძალიან მინდოდა. მადლიერი ვარ, რომ საქართველომ გაიმარჯვა და გავედით მერვედ ფინალში. ძალიან დიდი მადლობა მინდა გულშემატკივარს გადავუხადო, ყველაფერს გავაკეთებთ, რომ ჩვენი ქომაგები გავახაროთ. არ გავჩერდებით, ესპანეთთან მატჩისას ყველაფერს გავაკეთებთ, რომ მოვიგოთ. მადლობა მინდა გადავუხადო ყველა ადამიანს, ვინც ჩამოვიდა გერმანიაში“, - აღნიშნა მიქაუტაძემ.
საქართველოს ეროვნულმა ნაკრებმა პორტუგალია 2:0 დაამარცხა. ამ გამარჯვებით მათ პლეი ოფის საგზური მოიპოვეს.
