სახელმწიფომ, ამ შემთხვევაში იზრუნა, რომ შესაბამისი რაოდენობის როგორც ავიაფრენები განხორციელდეს, ასევე ბილეთებიც არ იყოს აჟიოტაჟს დაქვემდებარებული და ხელმისაწვდომ ფასებში მოხდეს მათი რეალიზაცია, - ამის შესახებ ჟურნალისტებს საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილმა განუცხადა.
აღნიშნული განცხადებით იგი გამოეხმაურა საქართველოს პრემიერ-მინისტრ ირაკლი კობახიძის ინიციატივას, რომლის თანახმადაც, გერმანიაში ევროპის ჩემპიონატზე დასასწრებად სუბსიდირებული ფრენები დაინიშნება.
„ეს ყველაფერი, რა თქმა უნდა, კიდევ ერთხელ ნათელი მაგალითია იმის, რომ სახელმწიფო ზრუნავს არა მარტო ამ შემთხვევაში ჩემპიონატთან დაკავშირებულ საკითხებზე, ზოგადად, ყველა პრობლემაზე, რომელიც რეალურია და ქვეყნისთვის საინტერესოა მისი გადაწყვეტა, მთავრობას ყოველთვის პულსზე უჭირავს ხელი“, - აღნიშნა ირაკლი ქადაგიშვილმა.
