ნაცზე უარესი ნაცობა ჩაიდინეს. ოჯახის წევრის მონაწილეობით ინტიმურ სცენებს იღებდა ჩუმად ადამიანი და ამ ფაილებს აგროვებდა, - ამის შესახებ „ქართული ოცნების“ აღმასრულებელმა მდივანმა და უმრავლესობის ლიდერმა მამუკა მდინარაძემ „ქრონიკასთან“ სატელეფონო ჩართვის დროს უჩა აბაშიძის საქმეზე საუბრისას განაცხადა.

„წარმოუდგენელი რამაა. ქართველობაზე, ვაჟკაცობასა და ღირსებაზე გველაპარაკებიან და ერთ-ერთი ორგანიზატორი ამით იყო დაკავებული. ვინ რა იცის ვინ რომელი ჩანაწერის შანტაჟის და მუქარის ქვეშ გამოვარდება და რუსული კანონიო ყვირის“, - აღნიშნა მამუკა მდინარაძემ.

9 მაისს ბლოგერი, უჩა აბაშიძე დააკავეს. ბლოგერსა და სამხედრო ექსპერტს ბრალი ორი მუხლით ოფიციალურად წარუდგინეს. მას გამოძიება იარაღისა და საბრძოლო მასალის უკანონო შეძენა-შენახვასა და ახლა უკვე ინტიმური კავშირის ამსახველი მასალების უკანონოდ მოპოვებას და შენახვას ედავება. ამავე მუხლით დაკავებულია ბლოგერის მეუღლე მარიამ იაშვილიც