ოზარ სუბარი არ გამორიცხავს, რომ სალომე ზურაბიშვილმა შესაძლოა მიხეილ სააკაშვილი შეიწყალოს. ამ თემაზე „ხალხის ძალის“ ერთ-ერთმა ლიდერმა „ქრონიკასთან“ ისაუბრა.
„თუ ის ადამიანები, ვის ბრძანებებსაც სალომე ზურაბიშვილი ასრულებს, ჩათვლიან, რომ სააკაშვილის ციხიდან გამოშვება მათ აგენტურას მეტ ხმას მოუტანს, მაშინ გამოაშვებინებენ. თუ ჩათვლიან, რომ პირიქით, ეს მოახდენს მოწინააღმდეგის ძალების ხმების კონსოლიდირებას და უარესი იქნება მათთვის, მაშინ არ გამოაშვებინებენ და სალომე ზურაბიშვილს უბრძანებენ, ის გახდეს ამ ვითომ კოალიციური გაერთიანების ლიდერი“, - აცხადებს სუბარი.
