ვალუტის გაცვლითი კურსები გადამწყვეტ როლს თამაშობს გლობალურ ეკონომიკაში, რაც გავლენას ახდენს საერთაშორისო ვაჭრობაზე, ინვესტიციებზე და ქვეყნების მთლიან ეკონომიკურ კეთილდღეობაზე.

როგორია გაცვლითი კურსის დინამიკა, რა ფაქტორები მოქმედებს ვალუტის ღირებულებაზე და რა მდგომარეობაა ამჟამად სავალუტო ბაზარზე? - ამის შესახებ მეტ ინფორმაციას სტატიიდან შეიტყობ.

დაინტერესებული ხარ? მაშინ განაგრძე კითხვა.

 რა არის ვალუტის გაცვლითი კურსი

გაცვლითი კურსი წარმოადგენს ერთი ვალუტის ღირებულების მიმართებას მეორე ვალუტის ღირებულებასთან. უფრო მარტივად, რომ ვთქვათ, თუ გაქვს კონკრეტული ვალუტა, მაგალითად რამდენიმე ათეული აშშ დოლარი (USD) და გსურს გაყიდვა ან ევროს (EUR) ყიდვა, აუცილებელია იცოდე რამდენია ამ კონკრეტული ვალუტის კურსი დღეს.

თუ აშშ დოლარსა და ევროს შორის გაცვლითი კურსი არის 1.20, ეს ნიშნავს, რომ 1 ევრო შეგიძლია გაცვალო 1.20 აშშ დოლარში.

რა ფაქტორები ახდებს გავლენას ვალუტის გაცვლით კურსზე

საპროცენტო განაკვეთი:

ნებისმიერ ქვეყანაში ცენტრალური ბანკები ადგენენ კონკრეტულ საპროცენტო განაკვეთებს, რაც გავლენას ახდენს კონკრეტულ ვალუტაში დენომინირებული ინვესტიციების ანაზღაურებაზე. უფრო მაღალი საპროცენტო განაკვეთები ხშირად იზიდავს უცხოურ კაპიტალს, ზრდის მოთხოვნას ვალუტაზე და ზრდის მის ღირებულებას.

ეკონომიკური ინდიკატორები:

ეკონომიკურმა ფაქტორებმა, როგორებიცაა მთლიანი შიდა პროდუქტის ზრდა, დასაქმების მაჩვენებლები და წარმოების პროდუქცია, შეიძლება გავლენა იქონიოს ქვეყნის ვალუტის ღირებულებაზე. რაც უფრო ძლიერია ქვეყნის  ეკონომიკური მაჩვენებლები, მით უფრო გაძლიერებისკენაა მიმართული ვალუტაც, და პირიქით, სუსტი ეკონომიკის პირობებში, ვალუტის კურსი სუსტდება და შესაძლოა, მისი გაუფასურებაც გამოიწვიოს, რაც ისტორიის მანძილზე უამრავ ქვეყანაში მომხდარა.

პოლიტიკური სტაბილურობა:

პოლიტიკური სტაბილურობა პირდაპირ კავშირშია ვალუტის კურსის სიმყარესთან.  ეფექტური მმართველობა ხელს უწყობს ინვესტორების ნდობას. ამიტომ, სტაბილური პოლიტიკური გარემოს მქონე ქვეყნები უფრო მეტად იზიდავენ უცხოურ ინვესტიციებს, რაც დადებითად აისახება ადგილობრივი ვალუტის ღირებულებებზე.

ინფლაციის მაჩვენებლები:

ინფლაციის დაბალი მაჩვენებლები, როგორც წესი, დაკავშირებულია ძლიერ ვალუტებთან. ცენტრალური ბანკები მიზნად ისახავენ სტაბილური ინფლაციის შენარჩუნებას, რადგან მაღალი ინფლაცია ამცირებს ვალუტის მსყიდველუნარიანობას.

დღეს, ეროვნული ვალუტის გაუფასურების და მაღალი ინფლაციის ნათელი მაგალითია თურქეთი, სადაც ლირამ მნიშვნელოვანი ვარდნა განიცადა.

ქვეყნის სავაჭრო პოტენციალი:

სხვაობა ექსპორტსა და იმპორტს შორის გავლენას ახდენს ვალუტის ღირებულებაზე. თუ ექსპორტი უფრო მეტია, ვიდრე იმპორტი, ეს ვალუტას მხოლოდ აძლიერებს, ხოლო დეფიციტი - ასუსტებს.

ეკონომიკური და გეოპოლიტიკური ფაქტორები

ეკონომიკურმა და გეოპოლიტიკურმა მოვლენებმა შეიძლება გამოიწვიოს გაცვლითი კურსის მკვეთრი რყევები.

დღეის მდგომარეობით, გაცვლითი კურსები ექვემდებარება უწყვეტ რყევებს.

თუ ბიზნესი გაქვს ან მომავალში აპირებ რაიმე სახის ინვესტიციის განხორციელებას, აუცილებელია, გათავისებული გქონდეს შესაძლო სავალუტო რისკები და ამის საფუძველზე, მიიღო სტრატეგიული გადაწყვეტილებები.