ფსიქიკური ჯანმრთელობის ცენტრის კლინიკური ხელმძღვანელი კახა ყიფიანი აცხადებს, რომ დემენციასთან ერთად არსებობს ფსევდოდემენციაც, რომელიც ვითარდება მაშინ, როდესაც ადამიანი მისთვის არაკომფორტულ გარემოში ხვდება.

„​დემენცია არის ჭკუასუსტობა, ანუ მენტალური რესურსის, მეხსიერების, სააზროვნო ფუნქციების და უნარ-ჩვევების დაქვეითება. ეს არის საკმაოდ მყარი, შეუქცევადი პროცესი, რომლის ჩამოყალიბებასაც სჭირდება რიგი პირობები. არსებობს დემენციის კიდევ ერთი ტიპი: ერთი შეხედვით შეიძლება დემენციის სურათი იხატებოდეს, მაგრამ სინამდვილეში დემენცია როგორც ასეთი არ იყოს. ეს ხდება, როდესაც სტრესულ, ​არაკომფორტულ და მიუღებელ სიტუაციაში აღმოჩნდება გარკვეული ფსიქიკის მქონე, ემოციურად არამდგრადი ადამიანი. ირთვება პათოლოგიური მექანიზმი და ხდება გარკვეული დაავადების სურათის იმიტაცია“, - აცხადებს კახა ყიფიანი.