ეს ის პოლიტიკოსები არიან ოპოზიციიდან, რომლებიც ევროპაში ჩადიან, იქ ამბობენ, რომ სტატუსს ნუ მისცემთ საქართველოსო, როდესაც საქართველოში ჩამოდიან ამბობენ, რომ საქართველო ვერ მიიღებს სტატუსს, - ამის შესახებ პარლამენტის ვიცე-სპიკერმა, არჩილ თალაკვაძემ რადიკალურ ოპოზიციაზე საუბრისას განაცხადა.
„ერთიც და მეორეც გახლავთ საქართველოს ეროვნული ინტერესების, საქართველოს მომავლის წინააღმდეგ გაკეთებული განცხადებები. რადიკალური ოპოზიცია საქართველოში და მის საზღვრებს გარეთ აკეთებს რუსულ საქმეს“, - განაცხადა არჩილ თალაკვაძემ.
ბრიუსელში ჯაფარიძე - ვაშაძის ვიზიტს მმართველი პარტია ანტისახელმწიფობრივ ქმედებად აფასებს. ოპოზიციონერი პოლიტიკოსების განცხადებების საპასუხოდ „ქართული ოცნების“ დეპუტატები განმარტავენ, რომ რელობა განსხვავებულია და ქვეყნის ევროპული მომავალი არ შეიცვლება.
