როდესაც ქალბატონი ელჩი პასუხს არ სცემს ჩვენს კითხვებს ან თუ სცემს ძალიან ბუნდოვანს, ეს ნიშნავს, რომ ის პატივს არ სცემს ამ პარტნიორულ ურთიერთობებს, - ამის შესახებ „ხალხის ძალის“ ერთ-ერთმა ლიდერმა, გურამ მაჭარაშვილმა აშშ-ის ელჩზე, კელი დეგნანზე საუბრისას განაცხადა.

„აქედან გამომდინარე, ჩვენ არასოდეს დაგვითვლია და მატერიალურ დონეზე არ დაგვიყვანია ის დიდი მისია, რასაც ჰქვია მაგალითად საერთაშორისო სამშვიდობო მისიებში ჩვენი ჯარისკაცების მონაწილეობა, რომლებმაც ამ ყველაფერს სიცოცხლე და ჯანმრთელობა შესწირეს. მაგრამ რადგან თავად ელჩმა მოინდომა ეს ყველაფერი მატერიალურ დონეზე დაეყვანა და დააყვედრა საქართველოს, რომ 30 წლის განმავლობაში 6 მილიარდი დოლარი დახარჯეთ საქართველოშიო, აღმოჩნდა, რომ სწორ მათივე ოფიციალურ ვებგვერდებზე დაყრდნობით არა 6 მილიარდი, არამედ 3,5 მილიარდი იყო რეალურად საქართველოში ამ 30 წლის განმავლობაში გადმოგზავნილი“, - განაცხადა მაჭარაშვილმა.

დღეს საზოგადოებრივმა მოძრაობამ - „ხალხის ძალა“ განცხადება გაავრცელა.