მსახიობი კიანუ რივზი მიიჩნევს, რომ ფილმ „დრაკულას“ გადაღებების დროს ვაინონა რაიდერზე დაქორწინდა. ამის შესახებ რივზმა Esquire-თან ინტერვიუში განაცხადა.
მანამდე რაიდერმა ერთ-ერთ ინტერვიუში გაამხილა, რომ 1992 წელს, ფრენსის ფორდ კოპოლას ფილმის ერთ-ერთი სცენის გადაღებისას მისი და რივზის გმირები ნამდვილმა მღვდელმა დააქორწინა. რაიდერი ამბობს, რომ ორივე მსახიობმა თქვა „კი“, ამიტომ, ტექნიკურად ისინი ცოლ-ქმრად ითლებიან.
„ქორწინების ცერემონია გვქონდა, ნამდვილ მღვდელთან ერთად. ვაინონა ამბობს, რომ დაქორწინებულები ვართ. კოპოლაც ასე ფიქრობს. ასე რომ, ვფიქრობ ღვთის წინაშე ცოლ-ქმარი ვართ“, - ხუმრობს რივზი.
კიანუ რივზი დაქორწინებული არასოდეს ყოფილ, 2019 წლიდან ის მხატვარ ალექსანდრა გრანტს, ვაინონა რაიდერი კი 10 წელია მოდელიერ სკოტ მაკინლეი ხანს ხვდება.
