პენიტენციურმა სამსახურმა მიხეილ სააკაშვილის მიერ საკვების მიღების ფაქტების გარკვეული ნაწილის ამსახველი ვიდეომასალა გამოაქვეყნა.
„მაღალი საზოგადოებრივი ინტერესიდან გამომდინარე, ვასაჯაროვებთ მიხეილ სააკაშვილის მიერ საკვების მიღების ფაქტების გარკვეულ ნაწილს. აღნიშნული ვიდეომასალა ნათლად ასახავს იმას, თუ როგორ იღებს პატიმარი მიხეილ სააკაშვილი საკვებს და ნატურალურ წვენებს დღის სხვადასხვა მონაკვეთში. ასევე ვასაჯაროებთ იმ პროდუქტების ამსახველ ფოტომასალას, რომელიც მიიღო მიხეილ სააკაშვილმა“, - წერია უწყების მიერ გამოქვეყნებულ განცხადებაში.
