„ტვ პირველის“ გადაწყვეტილებით, ოპერატორ ლექსო ლაშქარავას საქმეზე, ალტერნატიულ ექსპერტიზას დამოუკიდებელი ექსპერტი, ალექსანდრე გეჯაძე ჩაატარებს.
ტელეკომპანიის ცნობით, საგამოძიებო მოქმედებებს სამხარაულის ბიუროში დაესწრება ახალგაზრდა იურისტთა ასოციაციაც, რომელიც სასამართლოში არხის ინტერესებს იცავს.
შსს-მ ცოტა ხნის წინ გაავრცელა განცხადება, რომლის მიხედვითაც, გამოძიებამ ოჯახს შესთავაზა, რომ ექსპერტიზაში მონაწილეობა მათთვის სასურველ დამოუკიდებელ და საერთაშორისო ექსპერტს მიეღო.
ლექსო ლაშქარავას გარდაცვალების ფაქტზე, ვაკე-საბურთალოს პოლიციის სამმართველოში, გამოძიება საქართველოს სისხლის სამართლის კოდექსის 115 მუხლით დაიწყო. დაინიშნა სასამართლო-სამედიცინო ექსპერტიზა. გარდაცვლილის ცხედარი გადასვენებულია ექსპერტიზის ბიუროში.
ლექსო ლაშქარავა, რომელიც 5 ივლისის მოვლენების დროს დაშავდა, გამთენიისას, საკუთარ სახლში გარდაიცვალა. ოპერატორს „თბილისი პარაიდის“ მოწინააღმდეგეები, რადიკალურად განწყობილი ჯგუფები სასტიკად გაუსწორდნენ. ის პროფესიულ მოვალეობას ასრულებდა.
![ბიჭი ტრიბუნებზე პსჟს რეალთან გამარჯვებას ზეიმობდა, რა დროსაც დავარდა და ხელი იტკინა[ვიდეო]](https://for.ge/uploads/images/thumbs/1752300808_304496.jpg)
