პარლამენტის თავმჯდომარე კახა კუჭავა იმედს გამოთქვამს, რომ საერთაშორისო პარტნიორების მხრიდან საქართველოს მხარდამჭერი განცხადებები ძალიან მალე რეალურ ქმედებებში გადაიზრდება.
„ქვეყნისთვის ძალიან მნიშვნელოვანია მხარდაჭერა, რომელსაც ჩვენ წლების განმავლობაში ვისმენთ. ბოლო პერიოდში განსაკუთრებით გააქტიურდა ამ კუთხით ყველა მაღალი რანგის წარმომადგენელი თუ პოლიტიკოსი. ერთ-ერთი ასეთი განცხადება სენატორმა ჯინ შაჰინმაც გააკეთა. მე იმედს ვიტოვებ, რომ ეს განცხადებები ძალიან მალე რეალურ ქმედებებში გადაიზრდება. ამას ელოდება ქართველი ხალხი და ჩვენი ქვეყანა, რომელმაც ყველა ვალდებულება შეასრულა“, - განაცხადა კახა კუჭავამ.
აშშ-ევროკავშირის სამიტზე მხარეებმა ერთობლივი განცხადება მიიღეს, რომელშიც აღნიშნულია, რომ საქართველოს ტერიტორიული მთლიანობის მხარდასაჭერად რუსეთის წინააღმდეგ ერთობლივ მიდგომას შეიმუშავებენ.
