„ერთიანი ნაციონალური მოძრაობის“ წარმომადგენლებმა ორსაათიანი კონსულტაციის შემდეგ, სასჯელაღსრულების რუსთავის მე-12 დაწესებულება დატოვეს.
შეხვედრიდან გამოსვლის შედეგ, ისინი აცხადებენ, რომ კონსულტაციები გაიარეს „ნაცმოძრაობის“ თავმჯდომარესთან, ნიკა მელიასთან.
შეხვედრიდან გამოსულმა კობა ნაყოფიამ განაცხადა, რომ „ნაციონალური მოძრაობა“ იმ შემთხვევაში მოაწერს ხელს ევროპული საბჭოს პრეზიდენტის, შარლ მიშელის მიერ წარდგენილ დოკუმენტს, თუკი ნიკა მელია ყოველგვარი პირობის გარეშე დატოვებს საპატიმროს. ნაყოფიას განმარტებით, მელია გირაოს არ გადაიხდის.
მანამდე კი, მედიასთან კომენტარი გააკეთა პარტიის წარმომადგენელმა, თინა ბოკუჩავამ და აღნიშნა, რომ ეს იყო ერთ-ერთი საბოლოო კონსულტაცია ნიკა მელიასთან.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
