ლეგენდარული მუსიკოსი ელტონ ჯონი აცხადებს, რომ როკ-ჯგუფ Metallica-სთან საერთო პროექტზე მუშაობს. ამის შესახებ Kerrang-ი წერს.
„ლოკდაუნის დროს Metallica-სთან რაღაც გავაკეთე. Gorillaz-თანაც ვიმუშავე. სოლო პროექტების მხრივ ბევრი არაფერი გამიკეთებია, მაგრამ სხვა შემსრულებლებთან კარგ რაღაცებზე ვმუშაობ“, - განაცხადა ჯონმა.
მუსიკოსს არ დაუკონკრეტებია, რა სახის თანამშრომლობაზეა საუბარი, თუმცა იანვარში მომღერალმა მაილი საირუსმა აღნიშნა, რომ ელტონ ჯონთან და Metallica-ს ლიდერთან, ჯეიმს ჰეტფილდთან ლეგენდარული სიმღერის Nothing Else Matters ქავერ-ვერსიაზე მუშაობდა. Kerrang-ში მიიჩნევენ, რომ შესაძლოა ჯონმა სწორედ ეს იგულისხმა.
