ვფიქრობ, რომ ჩვენმა ინდივიდუალურმა შეთანხმებამ „ქართულ ოცნებასთან“ და ამ მიმართულებით გადადგმულმა ნაბიჯებმა, შესაძლებლობა გააჩინა, რომ დანარჩენი ოპოზიციური პარტიების მანდატების საკითხი არ იყოს ასე ხისტად გადაწყვეტილი, - ამის შესახებ „ტვ.პირველის“ ეთერში პარტია „მოქალაქეების“ წევრმა, ლევან იოსელიანმა „ქართულ ოცნებასთან“ გამართული შეხვედრის შემდეგ განაცხადა.

მისი თქმით, ასევე გაჩნდა შესაძლებლობა, რომ დანარჩენი ოპოზიცია, რომელიც უარს აცხადებს მოლაპარაკებებზე, დაბრუნდეს მოლაპარაკების მაგიდასთან. „რატომ მოხდა გაყოფა, ჩვენსა და დანარჩენ ოპოზიციას შორის აზრების, იმიტომ რომ ჩვენ დავინახეთ განწყობა, რომელიც არ იყო მიმართული მოლაპარაკების გაგრძელებისკენ. ჩვენ საკუთარ თავზე ავიღეთ ეს ყველაფერი და გავაგრძელეთ მოლაპარაკება, გავიყვანეთ ბოლოში და გვაქვს შედეგიც“, - აღნიშნა იოსელიანმა.

ალეკო ელისაშვილმა და ლევან იოსელიანმა პარლამენტში შესვლა გადაწყვიტეს.