პარლამენტი დღეს "ამნისტიის შესახებ" კანონპროექტს მეორე მოსმენით მუხლობრივად განიხილავს. პროექტის კორექტირება უკვე მოხდა, რომლის მიხედვითაც ამნისტია გარკვეული ფორმით ყველა მსჯავრდებულს და პატიმარს შეეხება, გარდა იმ პირებისა, რომელთაც მუდმივი პატიმრობა აქვთ მისჯილი. სისხლის სამართლებრივი პასუხისმგებლობის და სასჯელისგან თავისუფლდებიან პირები, რომლებმაც არასრულწლოვნების ასაკში ნაკლებად მძიმე კატეგორიის დანაშაული ჩაიდინეს.
