ქვემო ქართლში რელიგიურ ნიადაგზე დაპირისპირება გრძელდება. წინწყაროში დღეს ისევ ხმაური იყო. სიტუაცია მას შემდეგ დაიძაბა, რაც პარასკევის ლოცვაზე მისულ მუსლიმანებს სახლში გახსნილი სამლოცველოს კარი დაკეტილი დახვდა. მუფტი ამტკიცებს, რომ ადგილობრივი მართლმადიდებლები მათ წინამძღვარზე ზეწოლას ახდენენ. მოსახლეობის ნაწილი კი ბრალდებას უარყოფს, თუმცა რელიგიური უმცირესობის მასობრივი შეკრების შემთხვევაში შურისძიებით იმუქრება. დღეს წინწყაროში ვითარება იმდენად გამწვავდა, რომ ადგილზე პოლიცია იყო მობილიზებული.
