ვალერი ჩხეიძე საქართველოშია. 8-წლიანი ემიგრაციის შემდეგ საზღვრის დაცვისა და დაზვერვის ყოფილი შეფი თბილისში რამდენიმე საათის წინ დაბრუნდა. ექს-მაღალჩინოსანი მზად არის, ახალ ხელისუფლებასთან ითანამშრომლოს და დაინტერესების შემთხვევაში კონკრეტულ შეკითხვებს უპასუხოს. ყოფილი ჩინოვნიკი, რომლის უწყებებს ამ დრომდე გაუხმაურებელ ბევრ ინფორმაციაზე მიუწვდებოდა ხელი, სამშობლოში დაბრუნების მიზეზად ხელისუფლების შეცვლას ასახელებს. ჩხეიძემ საქართველო 2004 წელს დაპატიმრების საფრთხის გამო დატოვა და უკრაინაში გაემგზავრა. ერთ-ერთი ვერსიით, ქვეყნიდან წასვლის მიზეზი ის ფოტოები გახდა, რომლებიც ვალერი ჩხეიძემ ახლადარჩეულ პრეზიდენტს აჩვენა.
