ანალიტიკოსი გია აბაშიძე სოციალური ქსელით მიხეილ სააკაშვილის გუნდის წევრის, “ნაციონალური მოძრაობის” ერთ-ერთი ლიდერის მამუკა გამყრელიძის განცხადებას გამოეხმაურა:

“პროდასავლური” ოპოზიციის მორიგი მარგალიტი. აი, რას ამბობს რუსეთის მოქალაქე და იქ ბიზნესით დაკავებული მიშას ეპოქის დიპლომატი გამყრელიძე:

კელი დენიანის ელჩად წარდგენას გაერთიანებული ოპოზიციის ერთ-ერთი ლიდერი და ჩინეთში საქართველოს ყოფილი ელჩი მამუკა გამყრელიძე „დამკვირვებელს“ უწოდებს.

„აშშ-ს ტრამპმა წელიწადნახევრიანი პაუზის შემდეგ კელი დენიანი (Kelly Degnan) წარადგინა საქართველოში ელჩის პოზიციაზე. მისი, ფრიად მოკრძალებული ბიოგრაფია მაფიქრებინებს, რომ ის უფრო დამკვირვებლის როლში იქნება, ვიდრე პროცესის აქტიური მონაწილის, თუმცა, ხანდახან სწორედ არაფრით გამორჩეული ფიგურები თამაშობენ გადამწყვეტ როლს,“ – აცხადებს გამყრელიძე.