“ნატო-ში გაწევრიანება არ არის ხვალინდელი დღე, მაგრამ არც შორეული პერსპექტივაა,” – ამის შესახებ პარლამენტის ვიცე-სპიკერმა, გია ვოლსკიმ განაცხადა.

მისი თქმით, სამწუხაროა, რომ ამ თემის ექსპლუატაცია საქართველოში გამწვავებულ პოლიტიკურ პირობებში ხდება.

„საქართველოს ტერიტორიული მთლიანობის საკითხი არის ყველანაირი კითხვის გარეშე და ნატო-ში გაწევრიანება იმ პირობით მოხდება, როცა კითხვებს სხვა პასუხი არ ექნება, თუ არა საქართველოს ერთიანობა, ტერიტორიული მთლიანობა და ნატო-ს თუ ევროკავშირის წევრობა ამ საკითხს არ დააზიანებს. ამის ფორმულა და გადაწყვეტილება არსებობს, რომელიც შეიძლება, სამაგალითო გადაწყვეტილებად მოვიყვანით, მაგრამ საქართველო სპეციფიკური ვითარებით გამოირჩევა“, – განაცხადა გია ვოლსკიმ.

მისი თქმით, ეს საკითხები საქმიან რეჟიმში უნდა იყოს განხილული.

„საკითხები სამსჯელოა, სალაპარაკოა, ეს ყველაფერი განსახილველია საქმიან რეჟიმში და არა ჟივილ-ხივილის ფონზე, რომელსაც ნებსით თუ უნებლიეთ, ზოგიერთი პოლიტიკური პარტია მიმართავს“, – განაცხადა გია ვოლსკიმ.