ყოფილი დეპუტატი ხათუნა ხოფერია სოციალური ქსელის საშუალებით ზვიად გამსახურდიას მიმართ გამოთქმული განცხადებების გამო იმ ადამიანებს აკრიტიკებს რომლებსაც პირველი პრეზიდენტის გადასარჩენად არაფერი გაუკეთებიათ, დღეს კი ზვიადზე თამამად საუბრობენ.

“რა უმოწყალოა დრო…

ზვიადზე საუბრობენ ადამიანები, რომლებსაც ან არაფერი გაუკეთებიათ ან ზურგში დანის ჩარტყმით შემორჩნენ ისტორიას… უფრო სწორედ, ცოცხლები არიან და თუ გინდა… შეეკითხე…

და არავინ იხსენებს უამრავ უანგაროდ შეწირულ კაცებს თუ ქალებს, რომლებმაც ბოლომდე უერთგულეს და ბოლომდე გაიტანეს.

მე არ მაქვს ყველაზე საუბრის უფლება, მაგრამ ისინი, ვისი სიცოცხლის გადასარჩენად მცირედი მაინც გავაკეთე, დღეს აუცილებლად უნდა ვახსენო!

ერთი წესიერი, იდეალისტი, ზუგდიდელი ბიჭი – გოჩა ესებუა!

მებრძოლი, უშუშარი, ერთგული სენაკელი კაცი – კაკო ელიავა!

მე მათ ვიცნობდი!

ნათელი მათ სულებს!

ისინი თავისი წილი საქართველოსთვის იბრძოდნენ!”-წერს ხათუნა ხოფერია.