"საქმე ისე მიდის, რომ ბიძინა ივანიშვილი, რომელსაც მაქებარი არავინ დარჩა, ფიქრს იმის შესახებ დაიწყებს, სად დაიმალოს", - ამის შესახებ განცხადებას "დემოკრატიული მოძრაობა-ერთიანი საქართველოს" ლიდერო გუბაზ სანიკიძე აკეთებს.

სანიკიძე მიიჩნევს, რომ "ქართულ ოცნებას" საკონსტიტუციო უმრავლესობა აღარ სჭირდება, რადგან "მმართველმა პარტიამ გასაფუჭებელი უკვე გააფუჭა".

ფაქტია, რომ „ქართულ ოცნებას" საკონსტიტუციო უმრავლესობა აღარ სჭირდება, რადგან მმართველმა პარტიამ გასაფუჭებელი უკვე გააფუჭა. ყველასთვის ცნობილია, რომ პარტიის ლიდერმა ბიძინა ივანიშვილმა კომკავშირის ცეკა შექმნა, რაც კარგად ჩანს. მმართველ პარტიაში მიმდინარე პროცესები არავის უნდა გაუკვირდეს", - აცხადებს სანიკიძე "გურია ნიუსთან"

კითხვაზე : როგორ ფიქრობთ, "ოცნებასთან" პოლიტიკური გაყრის შემდეგ, ეკა ბესელიას უკან კვლავ ბიძინა ივანიშვილი დგას?

"ყველაფერს დრო გვიჩვენებს. სატელიტი პარტიები საქართველოში დიდხანს ვერ არსებობენ. საქმე ისე მიდის, რომ ბიძინა ივანიშვილი, რომელსაც მაქებარი არავინ დარჩა, მალე ფიქრს დაიწყებს იმის შესახებ, სად შეიძლება დაიმალოს. ივანიშვილს სატელიტური პარტიების გამოძერწვის თავი აღარ აქვს" - დასძინა "გურია ნიუსთან" სანიკიძემ.