სადღესასწაულო დღეებით უკმაყოფილო საზოგადოებას ანალიტიკოსი არჩილ გამზარდია სოციალურ ქსელის მეშვეობით მიმართავს:
“როცა არსებობს მიზეზი, ადამიანებმა სიყვარული, სითბო და კეთილი სურვილები გამოხატონ, ყოველთვის სიხარულით ვიღებ ნებისმიერ მოლოცვას.
არაფრით მესმის იმ ხალხის, რომ დაიქადნებიან, ახალი წელი რა აღსანიშნია, შობა რა აღსანიშნია, ბედობას რატომ ულოცავთ ერთმანეთს… ზოგი საერთოდ თავს იწონებს, ახალ წელს 9 საათზე დავწექი, ოჯახში არაფერი გავაკეთეო და ასე შემდეგ…
მოდუნდით რა ხალხო, თუ არსებობს მიზეზი და საშუალება, რამე პოზიტიური გამოთქვით, თუ არა და ნუ აძმარდებით ხოლმე სხვების სიხარულზე, ტვინს რომ უღიტინებთ ამ თქვენი კომპლექსნარევი უარმყოფელობით”, – წერს გამზარდია “ფეისბუქზე”.
