გერმანიის ეროვნული ნაკრების და "ბაიერნის" მცველმა მატს ჰუმელსმა შესაძლოა კარიერა ლონდონის "ჩელსიში" გააგრძელოს.
როგორც The Sun-ი იუწყება, ფეხბურთელის სანაცვლოდ მიუნხენური კლუბი ლონდონურს 30 მილიონ გირვანქა სტერლინგს თხოვს. მხოლოდ აღნიშნულ თანხაზე დათანხმდება "ბაიერნი" ტრანსფერს.
ჰუმელსი "ბაიერნის" აკადემიის აღზრდილია და "დორტმუნდში" რვა სეზონის განმავლობაში ასპარეზობდა. მატსი მშობლიურ კლუბს 2016 წელს დაუბრუნდა. მას შემდეგ გერმანელმა "რეკორდმაისტერთა" მაისურით 100 მატჩი ჩაატარა და შვიდი გოლი გაიტანა. მიმდინარე წელს ჰუმელსის სატრანსფერო ღირებულება 20 მილიონით დაეცა და 40 მილიონ ევროს შეადგენს.
