საქართველოს ოკუპირებული ტერიტორიებიდან იძულებით გადაადგილებულ  პირთა, განსახლებისა და  ლტოლვილთა მინისტრმა  სოზარ  სუბარმა ზემო სვანეთში  სტიქიური  მოვლენების შედეგად ადგილნაცვალი პირების ოჯახები მოინახულა. მინისტრი ეკომიგრანტებს  სტიქიის შედეგად დაზარალებული  და  გადაადგილებას დაქვემდებარებული ოჯახების  შერჩევისა და  განსახლების  კრიტერიუმებზე ესაუბრა.

იმავე დღეს  სოზარ სუბარი საქართველოს სპორტისა და  ახალგაზრდობის მინისტრის მოადგილეებთან, შალვა  გოგოლაძესთან და  აკაკი  ლოდიასთან  ერთად, მესტიის მუნიციპალიტეტის  სოფელ  ნაკრას საჯარო სკოლას  ეწვია, რომლებმაც   სკოლის მოსწავლეებს    სპორტის  სამინისტროს  საჩუქარი- საჭიდაო  ტატამი  და   სპორტული ფორმები გადასცა.  როგორც  შალვა  გოგოლაძემ აღნიშნა,    ქართული  ჭიდაობის   ხელშეწყობა,  მართლაც,  მეტად მნიშვნელოვანია  და  რაც უფრო მეტი ახალგაზრდა  ჩაებმება  ჭიდაობის  სხვადასხვა ჯგუფებში,   მით უკეთესი იქნება ჩვენი მომავალი თაობის   ჯანსაღი  აღზრდა-განვითარებისთვის,   მათი სპორტული   მიღწევებისთვის.  მინისტრის მოადგილემ პირობა მისცა მოსწავლეებს,  რომ  სპორტის სამინისტრო კვლაცავ გააგრძელებს  ამ ნიჭიერი  ბავშვების  ხელშეწყობასა და  დახმარებას.    ლტოლვილთა და განსახლების მინისტრმა  სოზარ სუბარმა  კი   ახალგაზრდა   სპორტსმენებს  წარმატებები უსურვა და იმედი გამოთქვა, რომ ისინი  სასახელო  სპორტსმენები    გაიზრდებიან  და საკუთარ  კუთხეს არაერთხელ ასახელებენ.

ნაკრას  საჯარო სკოლის დირექტორმა  სპარტაკ   გვარმიანმა  სტუმრებს  მადლობა  გადაუხადა საჩუქრებისთვის  და  აღნიშნა, რომ  ინფრასტრუქტურის სამინისტრო  წელს აპირებს  სკოლის  სპორტდარბაზის  სრულ რეაბილიტაციას , რაც კიდევ უფრო დიდი  სტიმული იქნება  აქაური ბავშვებისთვის,  რათა  სპორტით სერიოზულად დაკავდნენ.

შეხვედრის დასასრულს,  სკოლის  სპორტდარბაზში  ჭიდაობაში  მცირე  ტურნირიც გაიმართა.

ზემო სვანეთში მინისტრი სოზარ სუბარი  ჰ ალიშობის    საუფლო დღესასწაულს დაესწრო, რომელსაც აქაურები  საზაფხულო დღესასწაულსაც უწოდებენ  და ის,   ტრადიციულად, წელიწადის ამ დროს,   მ ჰში    აღინიშნება.  ამ დღეს, აქ,  სვანეთის სხვადასხვა სოფლებიდან მოდიან და მონაწილეობენ  დღესასწაულის  მსვლელობაში. მინისტრი ,,უფლის ტაძარში,“    რომელიც XVIII   საუკუნეს  განეკუთვნება,  ადგილობრივებთან ერთად,   წირვას  დაესწრო.   წირვა  აქ,  ამ პატარა  ეკლესიაში, მამა  პეტრემ,   1924 წლის შემდეგ,   პირველად   ჩაატარა.  უხუცესებმა  ლოცვა  აღავლინეს. 

წირვის დასრულების შემდეგ,  გაიმართა   სხვადასხვა  სპორტული ღონისძიებები:ცხენების დოღი,   შეჯიბრებები სპორტულ და  საბრძოლო   ხელოვნებებში, ტრადიციული ფალავანთა შერკინება, რომლის გამარჯვებულიც  ლადო  ცალანი  გახდა.   დღე  საერთო მხიარულებით  დამთავრდა  და  ჰ ალიშობა    სვანეთს   ერთი წლით დაემშვიდობა.