"2008 წელს საქართველომ დაიწყო ეს ნაწილი საომარი ვითარების" - სალომე ზურაბიშვილი აგვისტოს ომზე

პრეზიდენტობის კანდიდატი სალომე ზურაბიშვილი აგვისტოს ომის ომიდან 10 წლის თაბვზე პოზიციას არ იცვლის და ამბობს, რომ 2008 წლის აგვისტოს ომი საქართველომ დაიწყო.

“აგვისტოს ომთან დაკავშირებით კვლავ უცვლელია თქვენი პოციზია? თუკი პრეზიდენტი გახდებით, ხმამაღლა დააფიქსირებთ, რომ ომი დაიწყო საქართველომ?”- მიმართა ერთ-ერთმა ჟურნალისტმა ზურაბიშვილს, რომელმაც დღეს მედიისთვის ბრიფინგი გამართა, სადაც განაცხადა, რომ პრეზიდენტობისთვის აპირებს ბრძოლას.

“ჯერ ერთი, უნდა ვიყოთ ტერმინებში სწორი. მე ყოველთვის ვამბობდი და ვამბობ, რომ ომი დაიწყო საუკუნის წინ რუსეთმა, ჩვენ იმ დროს ჩავერთეთ რუსეთის პროვოკაციაში და წავედით ამ საომარ ვითარებაში, საქართველომ დაიწყო ეს ნაწილი ამ საომარი ვითარების. ეს არის ყველასთვის ცნობილი და ოფიციალური ვერსია, რასაც ევროკავშირი ადასტურებდა, ჩვენ ამას არ გადავხედავთ. ომის ტრაგედია არის ჩვენი ტრაგედია და როგორც პრეზიდენტი ერთ რამეს გეტყვით, რომ პროვოკაციები, რომლებზეც მაშინ გვაფრთხილებდნენ ამერიკელი და ევროპელი პარტნიორები, პროვოკაციებს არ ავყვები. როცა ხარ პატარა ქვეყანა, შენ მტერზე უფრო ჭკვიანი უნდა იყო”- განაცხადა ზურაბიშვილმა.